Kurset gir ei fordjuping i tverrfaglege innfallsvinklar på miljøvern og planlegging i forsking og forvaltning.

Emnet gir ei generell innføring i ressursforvaltning, planlegging og miljøvern. Gjennom lokale og globale døme ser ein på korleis miljøet i verda endrar seg. Det vert gitt ei innføring i norsk miljøforvaltning, særleg med tanke på moglegheiter og problem i tverrfagleg forvaltnings-, planarbeid og forsking. Tema som blir tatt opp er miljø- og arealplanlegging, ressursforvaltning, juridiske verkemiddel, økonomi og miljøpolitikk, økologi og biodiversitet.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten

• kjenner den historiske utviklinga av miljøforvaltning og berekraftig utvikling
• har kunnskap om viktige miljøproblem og sentrale årsaker
• har kunnskap om oppbygginga av offentleg miljøforvaltning og miljøtiltak i Noreg
• kjenner hovedtrekka i viktige norske miljølover som Plan- og bygningslova
• har kunnskap om hovedtrekka i planhierarkiet
• har kunnskap om vurdering og forvaltning av biodiversitet

Ferdigheiter

Studenten

• kan finne, vurdere og vise til relevant kunnskap, data og teori, og framstille og bruke det til å svare på aktuelle miljøfaglege og planleggingsrelaterte spørsmål.
• har kjennskap til ulike relevante verktøy i miljøforvaltning og planlegging som stadsanalyse, ROS-analysar, konsekvensutgreiingar, naturdatabasar og livssyklusanalysar.
• kan identifisere og analysere miljø- og arealrelaterte planutfordringar
• kjenner og kan tolke og bruke norske arealplankart.

Generell kompetanse

Studenten

• har opparbeidd generell kompetanse om teori og praksis for norsk miljøforvaltning og arealplanlegging.

2 førelesingar á 2 timer pr. veke.

Totalt 14-16 førelesingar.

1 halvdagsseminar om planleggingscase. 

1 seminar á 2 timer pr. veke.

Totalt 4-6 seminar

Skriftleg eksamen 5 timar

Vurderingsform er endra frå 5 timar skuleeksamen til 8 timar heimeeksamen som del av tiltak for å hindre spreiing av koronaviruset.

Institutt for geografi

Studieveileder@geog.uib.no