Emnet har som mål å gi ein introduksjon til journalistikk ved å fokusere på fire tilnærmingar til feltet:
1) Innføring i grunnleggande aspekt ved journalistrolla: journalistikken sitt samfunnsoppdrag, profesjonshistorie og etisk rammeverk.
2) Ein serie workshops der innsikt i visuell, auditiv og tekstuell analyse fungerer som introduksjon til praktisk og teknisk trening i grunnleggande nyheitsjournalistikk. Studentane får opplæring i digitale verktøy for stillbilde, video, lyd, redigering og publisering. Dei får ei første innføring i, og tilbakemeldingar på, idéutvikling, research og enkel nyheitsproduksjon for fleire plattformar.
3) Studentane blir også introduserte for dei mange mediebedriftene i Media City Bergen der dei lærer om aktuelle kontaktpunkt og moglege samarbeidsformer med redaksjonane i dei komande semestra.
4) Emnet gir ei forståing av forholdet mellom teori og praksis innanfor journalistikk. Studentane får undervisning i akademiske tenkemåtar, metodar og ressursar. Dei lærer å finne fram til og bruke relevante akademiske kjelder. Studentane lærer konvensjonar for relevante akademiske tekstar, slik at dei seinare i studieløpet har god kjennskap til ulike, relevante, akademiske oppgåvetypar.
Studenten skal ved avslutta emne ha følgjande læringsutbytte:
Kunnskap:
Studenten ¿ har grunnleggande kunnskap om journalistikken si samfunnsrolle, profesjonshistorie, journalistrolla og nye etiske utfordringar i faget ¿ har kunnskap om relevante akademiske oppgåvetypar og korleis desse skal løysast.
Ferdigheiter:
Studenten ¿ har grunnleggande ferdigheiter i nyheitsproduksjon gjennom relevant bruk av digitale verktøy for video, lyd, stillbilde, redigering og presentasjon på fleire plattformer ¿ kan plassere seg sjølv, sine eigne mål og motivasjon for å studere journalistikk inn i dette landskapet ¿ kan finne fram til og bruke relevante akademiske kjelder i oppgåver som analyserer og reflekterer omkring journalistisk praksis
Generell kompetanse:
Studenten ¿ har innsikt i relevante fag- og yrkesetiske problemstillingar innan journalistikkfaget ¿ kan utveksle synspunkt og erfaringar med andre som har ein bakgrunn innanfor fagområdet journalistikk ¿ kan planleggje og gjennomføre enkle nyheitsproduksjonar for fleire plattformar, aleine og som deltakar i ei gruppe, og i tråd med etiske krav og retningslinjer ¿ kan på eit begynnande vis reflektere analytisk over eigen praksis
INFOMEVI106 (10 sp) JOU101 (10 sp) MEPRO100 (10 sp)
Studentar som har tatt eitt eller fleire av desse emna tidlegare, må ta kontakt med studierettleiar.
¿ All undervisning er obligatorisk og inkluderer:
¿ Innlevering og godkjenning av oppgåver i samband med workshops ¿ Utkast til emneoppgåve - under rettleiing
Studentane vil få meir informasjon om obligatoriske aktivitetar og timeplan ved semesterstart.
Dei obligatoriske krava må vere godkjende før studenten kan gå opp til eksamen.
Godkjente obligatoriske krav har ingen tidsavgrensing.
Eksamen blir normalt berre tilbydd i undervisningssemesteret.
Ved sjukdom under heimeeksamen eller ved oppgåveinnlevering, har ein ikkje rett til ny eksamen påfølgande semester. Instituttet kan likevel innvilge utsetting av innleveringsfrist. Normalt blir det gitt utsetting på 1-3 dagar. Ved sjukdom eller andre særskilde forhold må du ta kontakt med studiekonsulent (studiekonsulent.praktiskinfomedia@uib.no) før innleveringsfristen. Ved innleveringsutsetting må legeattest/dokumentasjon visast.