Emnet tek sikte på å vidareutvikle studentens ferdigheiter og kunnskapar innan matematikkdidaktikk med utgangspunkt i artiklar og annan relevant litteratur. Studenten skriv ei prosjektoppgåve der fokus og litteratur vert individuelt avtalt. Gjennom arbeidet med emnet skal studenten bli kjent med matematikkdidaktisk forsking med tanke på å kunne nyttegjere seg denne kunnskapen i eigen undervisningspraksis.

Det vil bli fokusert på følgjande tema:

• Varierte representasjonar i matematikkundervisninga
• Problemløysing i matematikk
• Undervisning og læring av tall, algebra og funksjonar
• Bruk av digitale verktøy (GeoGebra)

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har kunnskap om bruk av ulike matematiske representasjonar i undervisninga
• har kunnskap om problemløysing i matematikk
• har kunnskap om undervisning og læring av tal og algebra
• kan gjere greie for utvalde eksempel på matematikkdidaktisk forsking knytt til bruk av representasjonar, problemløysing og undervisning og læring av tal, algebra og funksjonar

Ferdigheiter

Studenten kan

• sette seg inn i matematikkdidaktisk litteratur
• gjennomføre eit mindre matematikkdidaktisk prosjekt på sjølvstendig grunnlag
• bruke digitale verktøy i undervisning av algebra og funksjonar

Generell kompetanse

Studenten skal bli i stand til å

• presentere forsking munnleg og skriftleg og framstille denne slik at ei matematikkdidaktisk problemstilling vert klargjort
• bruke matematikkdidaktisk kunnskap i planlegging, gjennomføring og refleksjon over eiga undervisning

Studierettleiar kan kontaktast her: Studierettleiar@math.uib.no

Tlf: 55 58 28 41