Målet med emnet er tredelt. Det fyrste er å gje studentane eit innblikk i kva lærarrolla inneber av forventingar og mandat, og korleis lærarrolla gjev rom for ulike måtar å vere lærar på. Studentane skal gjennom emnet reflektere over ansvar og etiske fordringar knytt til pedagogiske relasjonar.

Det andre målet er å gje studentane innblikk i dagens ungdomskultur og ei forståing for mangfaldet blant elevane når det gjeld særlege behov, kjønn, kultur og sosioøkonomisk bakgrunn. Undervisninga vil i denne samanheng ha særskilt fokus på inkludering og tilpassa opplæring som ideal og praksis. 

Eit tredje mål er at studentane får ei grunnleggjande forståing for sentrale tema og omgrep i pedagogikkfaget, som danning, oppseding, undervisning og læring.

Eit overordna mål er at studentane gjennom emnet startar arbeidet med å danne eigen profesjonell identitet og øver opp dygder som toleranse, empati, inkluderingsevne og omsorg.

Emnet er knytt til kortpraksisemnet https://www.uib.no/nb/emne/KOPRA101KOPRA101, og det er forventa at studentane tek dette emnet parallelt med https://www.uib.no/nb/emne/PEDA120PEDA120.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse: 

Kunnskapar:

Studenten

• har forståing for kva lærarrolla inneber av forventingar og mandat  
• har innsikt i kva som kjenneteiknar den pedagogiske relasjonen og kva for ansvar, dygder og etiske plikter dette inneber for læraren
• har breie kunnskapar om ungdomskultur, elevmangfald og elevar sine ulike styrker, behov og utfordringar i møte med skulen.
• kjenner til sentrale tema og grunnleggjande omgrep innafor pedagogikkfaget

Ferdigheiter:

Studenten

• kan reflektere over lærarrolla på bakgrunn av praksis, faglitteratur og styringsdokument
• kan vise dømmekraft knytt til etiske utfordringar og dilemma i møte med eleven
• kan vise forståing for elevmangfald og fremje inkludering    
• kan drøfte sentrale pedagogiske tema og grunnleggjande omgrep
• kan bruke observasjon som metode

Generell kompetanse:

• kan orientere seg i, analysere og stille seg kritisk til informasjonskjelder og teoriar
• forstår kva det kan innebere å vere ungdom i dagens samfunn
• kan utvise relasjonskompetanse og mellommenneskelege dygder

Undervisninga vert organisert gjennom førelesingar og seminar i mindre grupper. Seminarundervisninga legg vekt på studentaktive arbeidsmåtar og det vert forventa at studentane møter førebudd til seminara. Kvar student har tilbod om 2 timar individuell rettleiing.

Førelesingar: 5 x 2 timar

Seminar: 8 x 2 timar

Undervisninga vert organisert igjenmmon førelesingar og seminar i mindre grupper. Seminarundervisninga legg vekt på studentaktive arbeidsmåtar, og det vert forventa at studentane møter førebudd til seminara. Kvar student har tilbod om 2 timer individuell rettleiing.

Førelesingar: 5 x 2 timar

Seminar: 4 x 2 timar

Seminar: 4 x 4 timar

• Frammøte og førebudd deltaking på seminar
• Utvikling av tekst på 1500-2000 ord innan gitte fristar
• Ein munnleg presentasjon i grupper

I emnet nyttar ein følgjande vurderingsformer:

• 5 timars skuleeksamen

Det matematisk-naturvitskapelege fakultet

Det humanistiske fakultet

Det samfunnsvitenskapelege fakultet

https://www.uib.no/psyfa/43960/informasjonssenteret-ved-det-psykologiske-fakultetInformasjonssenteret ved Det psykologiske fakultet