Studentane skal tileigne seg eit prosessperspektiv på menneskets utvikling gjennom livsløpet. Dette inneber at studentane skal kunne integrere utviklingspsykologi til ei heilskapleg prosessforståing av utvikling som føregår i og mellom individ gjennom heile livsløpet.

Tema 1: Utviklingspsykologi-teori

• Teoretiske perspektiv på utvikling gjennom livsløpet
• Tilknytning, relasjonar gjennom livet og emosjonsregulering
• Sosial utvikling
• Moral og empatiutvikling
• Kognitiv- og språkutvikling
• Identitetsutvikling, seksuell identitet og positiv ungdomsutvikling
• Aldring, demografi og populasjonsutvikling

Sjølvbiografi (forpraksis) Studentane skal skrive ein sjølvbiografi som blir lesen av ein ekstern psykolog. Ekstern psykolog gir tilbakemelding.  

Observasjon som metode i profesjonsutøving og forsking (forpraksis) Det blir gitt grunnleggande opplæring i å gjennomføre naturalistiske observasjonar med fokus på bruk av desse metodane både i praktisk profesjonsutøving og forsking.

Tema 2: Emneoppgåve / Artikkeloppgåve Halve kullet skal skrive ei emneoppgåve i utviklingspsykologi i grupper på tre eller fire. Tema vil vere mest mogeleg sjølvvalt innan utviklingspsykologi. Studentane skal skrive teoretiske oppgåver, med mindre anna er avtalt. Hensikta med emneoppgåva er å gi studentane høve til å fordjupe seg i utviklingsprosessar. Innhaldet i emneoppgåva skal reflektere den prosesstenkinga som er eit kjernepunkt i undervisninga. Studentane får skriftlig tilbakemelding frå rettleiar på oppgåva. I vurderinga vil det bli lagt vekt på bruk av både teori og empiri for å svare på faglege problemstillingar.

Den andre halvparten av kullet skal skrive ei artikkeloppgåve i utviklingspsykologi i grupper på tre eller fire. Studentar som skriv artikkeloppgåve i PRPSYK302, skal skrive ei emneoppgåve i PRPSYK304, og vice versa. I artikkeloppgåva skal studentane vurdere to eller tre artiklar om eit utviklingspsykologi-tema opp mot kvarandre, og det blir lagt inn krav om både teori og empiri i oppgåva. Hensikta med artikkeloppgåva er at studentar skal få fagleg rettleiing i kritisk lesing av artiklar. Studentane får tilbakemelding frå rettleiar på oppgåva.

Alle oppgåvene i emnet skal skrivast i APA-stil. I samband med emne- og artikkeloppgåva blir det også gitt ein introduksjon til bibliotekressursar og til søk i elektroniske databasar.

Kunnskapar

Ved fullført emne kan studenten:

• bruke avansert kunnskap om teoretiske modellar, forskingsmetodar og empiri innan utviklingspsykologi til å gjere greie for utviklingsprosessar gjennom heile livsløpet
• analysere, integrere og stille seg kritisk til teoriar, metodar og forskingsresultat om biologisk grunnlag, emosjonell, sosial og kognitiv utvikling, i ei heilskapleg forståing av utviklingsprosessen frå spedbarnsalder til vaksenalder
• bruke avansert kunnskap om risiko og beskyttelsesfaktorar til å gjere greie for både normale og avvikande utviklingsprosessar gjennom heile livsløpet
• bruke teoretisk og empirisk kunnskap frå utviklingspsykologi til å bidra til fagleg nytenking.

Ferdigheiter

Ved fullført emne skal kandidaten kunne:

• under rettleiing planlegge, gjennomføre og formidle resultata av eit sjølvstendig, avgrensa forskingsprosjekt om tema innanfor utviklingspsykologi i tråd med gjeldande forskingsetiske retningslinjer
• analysere og stille seg kritisk til faglege kjelder og anvende desse til å strukturere og formulere faglege resonnement
• kritisk analysere og formidle relevant forsking og meistre utviklingspsykologfaglege uttrykksformer
• analysere og stille seg kritisk til samtidas psykologiske teoriar, diskursar og praksis, og plassere desse i ein historisk og vitskapsteoretisk kontekst innanfor utviklingspsykologi
• analysere og anvende teoretisk og empirisk kunnskap frå utviklingspsykologi på nye område innanfor psykologisk forsking og praksis.

Generell kompetanse

Ved fullført emne skal kandidaten kunne:

• reflektere og stille seg kritisk til teoretiske modellar og forskingsmetodar vedrørande endringsprosessar i utviklinga gjennom livsløpet
• reflektere over ulike faktorar som kan påverke utviklinga gjennom livsløpet
• reflektere over korleis eigne haldningar og meiningar om utvikling gjennom livsløpet kan få betydning i vurdering og behandling
• reflektere over kulturelle skilnader i psykologisk utvikling
• reflektere og anvende relevant forskingslitteratur i teoretisk, empirisk og praktisk samanheng innanfor utviklingspsykologi, og anvende sin informasjons- og forskingskompetanse til personleg fagleg oppdatering
• kommunisere om, og formidle, utviklingspsykologisk kunnskap både til andre faggrupper, spesialistar og allmenta.

• Forelesingar, seminar, rettleiing og sjølvstudium basert på anbefalt litteratur
• Sjølvbiografi-øving
• Observasjonsøving
• Emneoppgåve eller artikkeloppgåve 

• Forelesninger, seminar, veiledning og selvstudium basert på anbefalt litteratur
• Selvbiografiøvelsen
• Observasjonsøvelse
• Emneoppgave eller artikkeloppgave 

• Skrive sjølvbiografi med tilbakemelding frå ekstern psykolog (blir formelt godkjent av lærar)
• Emneoppgåve eller artikkeloppgåve i utviklingspsykologi (presentasjon og innlevering av oppgåva blir godkjent av rettleiar)
• Observasjonsøving (deltaking på observasjonsøvinga, innlevering av PowerPoint-fil og -presentasjon) (blir godkjent av lærar)

Obligatoriske arbeidskrav er gjenstand for vurderinga Godkjent / Ikkje godkjent.

6-timars skuleeksamen.

Obligatoriske arbeidskrav må vere godkjende før ein kan gå opp til eksamen.

https://www.uib.no/psyfa/43960/informasjonssenteret-ved-det-psykologiske-fakultetInformasjonssenteret ved Det psykologiske fakultet