Mål:

Spansk er dagleg bruksspråk for nærare 500 millionar menneske. På verdsbasis er interessa for spansk stor, og Noreg har eit aktivt tilhøve til Latinamerika via investeringar, miljøsatsing, menneskeretts- og demokratitiltak. Solide kunnskapar om spansk språk og Latin-Amerika kan gje deg gode arbeidsutsikter i ei verd der språkkunnskap og interkulturell kompetanse er viktigare enn nokon gong.

Programmet sitt læringsmål er å gje kunnskap om og teoretisk innsyn i Latin-Amerikas språk, litteratur, historie og kultur. Programmet kombinerer tre disiplinar, språk, litteratur og historie, med sikte på å utvikle analytiske og metodiske evner som gjer denne kunnskapen nyttig i både norsk og internasjonal samanheng.

Innhald:

Det første året av programmet inneheld emne på til saman 60 studiepoeng som har som mål å gje studenten teoretisk og metodologisk grunnlag for å kunna utføre sjølvstendig forskingsarbeid innan latinamerikastudier. Gjennom teoretiske og praktiske tilnærmingar vil studenten kunne utvikle god evne til kritisk tolking og analyse av spanskspråklege tekstar i vid meining.

I det andre året i programmet er føremålet å skrive ei masteroppgåve. Arbeidet med masteroppgåva utgjer 60 studiepoeng. Emnet for oppgåva skal liggje innanfor tematikken i studieprogrammet (spansk språk, latinamerikansk litteratur, historie eller kultur). Det er også mogeleg å skrive masteroppgåve med ei fagdidaktisk vinkling. Oppgåva skal vise studentane si evne til å gjere vitskapleg utgreiings- og forskingsarbeid ved å analysere kritisk større mengder informasjon.

Kandidaten skal ved avslutta program ha

følgjande læringsutbyte definert i kunnskapar, kompetanse og generell kompetanse:

Kunnskapar

Studenten

• har solid kunnskap innan spansk lingvistikk og latinamerikansk kultur- og litteraturstudium.
• har inngåande kunnskapar om fagområdet som vedkjem vitskaplege teoriar og metodar.
• kan bruke kunnskapen på nye område innanfor språk, litteratur, historie og kultur.

Kompetanse

Studenten

• har utvikla ei sjølvstendig og kritisk forståing av forskingstradisjonar innanfor studiet
• har utvikla vidare den språklege kompetansen frå grunnutdanninga.
• kan på sjølvstendig vis ta i bruk metodar og vitskaplege arbeidsteknikkar frå faget i undersøkinga av eit relevant materiale frå éin av dei tre hovuddisiplinane.

Generell kompetanse

Studenten

• kan analysere relevante fag-, yrkes- og forskingsetiske problemstillingar.
• kan bruke kunnskapane sine og kompetansen sin på nye område for å gjennomføre spesialiserte arbeidsoppgåver og prosjekt.
• kan kommunisere om faglege problemstillingar, analysar og konklusjonar innanfor fagområdet, både generelt og med spesialistar.
• kan yte tilskot til nytenking og innovasjonsprosessar.

Masterprogrammet i spansk språk og latinamerikastudium byggjer på ein bachelorgrad med minst 80 studiepoeng fagleg fordjuping i spansk språk og latinamerikastudium, eller tilsvarande.

Bachelorgrad frå UiB som kvalifiserer:

• Bachelorgrad i spansk språk og latinamerikastudium

Andre bachelorgrader som kvalifiserer:

• Andre bachelorgradar kan kvalifisere dersom du har minst 80 studiepoeng i Spansk språk og latinamerikastudium eller tilsvarande.

Du må også ha:

• Snittkarakter på minimum C i emna du får opptak på grunnlag av.
• Språkkrava i både norsk og engelsk for dette studieprogrammet dekker du med https://www.samordnaopptak.no/info/utenlandsk_utdanning/sprakkrav/krav-til-norsk-og-engelsk-for_hoyere_utdannning/index.htmlgenerell studiekompetanse, anten på grunnlag av norsk vidaregåande skule eller på annan måte.

Spesifikke språkkrav: Søkarar som ikkje dekkjer kravet til norskkunnskapar, kan dekkje språkkravet med engelskkunnskapar på følgjande nivå:

• IELTS academic- International English Language Testing System (British Council's): Minimum score of 6.0 on each of the bands: Listening, Reading, Writing and Speaking
• TOEFL - Test of English as a Foreign Language, internet-based test (iBT): Minimum score of 80
• PTE Academic- Pearson Test of English Academic: Minimum overall score of 53

Ingen formelle krav, men all undervisning skjer på spansk og føreset solide spanskkunnskapar.

SPLA311 - Teori og metode i spansk lingvistikk (H - 10 stp)

SPLA312 - Teori og metode i latinamerikansk litteraturvitskap (H - 10 stp)

SPLA313 - Teori og metode i latinamerikansk historie (H - 10 stp)

SPLA314 - Prosjektdesign og forskingformidling for latinamerikastudium (V - 10 stp)

SPLA315 - Spesialisering i latinamerikastudium (V - 20 stp)

SPLA350 - Mastergradsoppgåve i spansk og latinamerikastudium (H og V - 60 stp)

Tilrådd rekkefølgje for emna i studiet:

1. semester (haust)

• SPLA311 - Teori og metode i spansk lingvistikk (10 stp)
• SPLA312 - Teori og metode i latinamerikansk litteraturvitskap (10 stp)
• SPLA313 - Teori og metode i latinamerikansk historie (10 stp)

2. semester (vår)

• SPLA314 - Prosjektdesign og forskingformidling for latinamerikastudium (10 stp)
• SPLA315 - Spesialisering i Latinamerikastudium (20 stp)

3. semester (haust)

• SPLA350 - Masteroppgåve i spanskog Latinamerikastudium

4. semester (vår)

• SPLA350 - Masteroppgåve i spansk og Latinamerikastudium

Alle som har studieplass på masterstudiet, har rett til individuell rettleiing i samsvar med ressursane på faget. Student og fagmiljø skal teikne ein forpliktande rettleiingskontrakt seinast i andre semester, som regel etter vurdering av prosjektskissa og alltid i samsvar med ressursane på faget. Tema for masteroppgåva skal godkjennast av rettleiar.
Tildeling av rettleiar skjer på bakgrunn av ressursane på faget. Det er mogleg for studenten å byte tema undervegs. Ved byte av rettleiar skal ny rettleiingskontrakt underteiknast.

Faget rår til at eventuelt studieopphald i utlandet skjer i 2. semester.

Alle emna i kursdelen (totalt 60 stp) må være fullførte før innlevering av masteroppgåva.

Det er tilrådd og tilrettelagt for at studentane tar delar av programmet som utvekslingsstudent i eit anna land.

Faget rår til at eventuelt studieopphald i utlandet skjer i 2. semester.

Tilrådde utvekslingsstader finn ein på nettsida til studieprogrammet

Ein kan òg velja frå Universitetet i Bergen sine avtalar med studiestader i heile verda. All informasjon om utveksling finn ein på http://www.uib.no/utvekslingwww.uib.no/utveksling.

.

Gjennom ulike undervisingsformer får studentane høve til å studere faget på ulike måtar. Undervisninga er forskingsbasert og føreset aktiv deltaking frå studentane.

På dei aller fleste emna på programmet er det førelesingar og seminar der frammøte er sterkt tilrådd.

Arbeidsmetodar er førelesingar/seminar, gruppearbeid, skriftlege og munnlege presentasjonar, omgreps- og problemfokuserte oppgåver, problembasert læring og rettleiing.

Rettleiing per e-post/telefon blir berre gjeve i særhøve, og då etter godkjenning av søknad til instituttet.

For nærare informasjon, sjå dei einskilde emneplanane.

Det blir gitt førelesingar der frammøte blir tilrådd. Det er obligatorisk frammøte til rettleiing i skriving av essay eller skisse til masteroppgåveprosjektet.

Rettleiing per e-post/telefon blir berre gitt i heilt særskilde høve, og då etter godkjenning av søknad til instituttet.

Gjennom studiet møter studentane ulike vurderingsformer. Til dømes skriftleg skuleeksamen, rettleidd oppgåve, heimeeksamen, munnleg eksamen. Vurderingsformene er tilpassa læringsutbyttet i dei ulike emna.

For nærare informasjon om vurderingsformer, sjå dei einskilde emneplanane.

Ved sensur av emna i programmet kan det bli nytta ein av to karakterskalaer:

• A-F, der F er stryk
• greidd/ikkje greidd

Sjå emneplanen for det einskilde emnet.

Fullført masterprogram med gode resultat kvalifiserer til å søkje om opptak på doktorgradsstudium i relevante fag.

Studentar som planlegg å ta PPU, må syte for å få dekka opptakskrava gjennom studietida. Informasjon finn ein på http://www.uib.no/studieprogram/PRAPEDwww.uib.no/studieprogram/PRAPED

Av relevante yrkesalternativ kan nemnast: forskings- og undervisningsarbeid ved høgskule og universitet, undervisningsarbeid i grunnskule og ved vidaregåande skule, omsetjingsarbeid, bibliotek, massemedia, forlag, reiseliv, næringsliv, offentlege institusjonar (medrekna utanrikstenesta), hjelpearbeid og liknande.

studierettleiar@if.uib.no
Tlf. 55 58 93 70

Du søkjer opptak til Det historisk-filosofiske fakultet. Søknadsfristen er 1. juni for studiestart i august. Meir informasjon om opptak og søknadsprosedyrar finn du på http://studere.uib.no/opptak/master.

Masterstudiet er samansett av ei masteroppgåve (60 studiepoeng) og fire emne à 15 studiepoeng. Masteroppgåva er eit sjølvstendig, rettleidd forskingsarbeid over eit sjølvvald emne henta frå éin av dei tre hovuddisiplinane i faget: (1) Spansk lingvistikk; (2) Litteraturstudiar og (3) Kulturkunnskap. Desse tre disiplinane dannar grunnlaget for emna SPLA301-SPLA303. I tillegg kjem emnet SPLA304, som er knytt til masteroppgåva. Normert studietid for heile masterstudiet er fire semester.

Masterstudiet tek sikte på å utvikla ei sjølvstendig og kritisk forståing av forskingstradisjonar innan spansk lingvistikk og latinamerikanske kultur- og litteraturstudium. Det skal dessutan utvikla vidare den språklege dugleiken frå grunnutdanninga. I arbeidet med masteroppgåva skal studenten på sjølvstendig vis ta i bruk metodar og vitskapelege arbeidsteknikkar frå faget i undersøkinga av eit relevant materiale frå éin av dei tre hovuddisiplinane.

Masterprogrammet byggjer normalt på avslutta treårig bachelorgrad med godkjent spesialisering (fordjuping) i spansk språk og latinamerikastudium (60 studiepoeng på 100-nivå, 30 studiepoeng på 200-nivå) eller liknande utdanning. Dersom du har studert ved ein lærestad som har krav om minimum 80 studiepoeng med spesialisering (fordjuping), vil dette bli akseptert som opptaksgrunnlag.

Studentar som ønskjer å søkje opptak til masterprogram i spansk språk og latinamerikastudium på anna grunnlag enn det som er oppgitt å vere godkjent spesialisering i faget (sjå studieplanen for spansk språk og latinamerikastudium), må søkje om godkjenning på førehand, seinast innan 1. mai. Slike søknader må innehelde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjas ved søknaden til masterprogrammet.

I arbeidet med masteroppgåva skal du på sjølvstendig vis ta i bruk metodar og vitskaplege arbeidsteknikkar frå faget i undersøkinga av eit relevant materiale frå éin av dei tre hovuddisiplinane.

Masteroppgåva er eit sjølvstendig, rettleidd forskingsarbeid over eit sjølvvald emne henta frå ein av dei tre hovuddisiplinane i faget: (1) spansk lingvistikk, (2) litteratur og (3) kulturkunnskap. Masteroppgåva utgjer den viktigaste delen av masterprogrammet og er normert til 2 semester med intensivt arbeid. Tema for masteroppgåva kan i prinsippet veljast fritt etter samråd med faglærar, men vil i praksis vere styrt av dine faglege føresetnader og rettleiarens forskingsfelt. Masteroppgåva skal skrivast på spansk og bør normalt ha eit omfang på 70-110 sider, medrekna bibliografi.

Internasjonalt samarbeid og samkvem skapar aukande behov for kompetanse i spansk språk og latinamerikansk kultur og historie. Av relevante yrkesalternativ kan vi nemne: omsetjingsarbeid, media, forlag, reiseliv, næringsliv, offentlege institusjonar, hjelpearbeid og liknande. Masterprogrammet i spansk språk og latinamerikastudium gir dessutan god bakgrunn for undervisningsoppgåver på høgare nivå, spansk er valfritt undervisningsfag i grunnskole og vidaregåande skole. Masterprogrammet er også utgangspunkt for forskarutdanning innan spansk språk, litteratur- og kulturkunnskap.

Litteraturliste finn ein på Mitt UiB

Lista vil vere klar innan 01.06 / 01.12 for det komande semesteret.

Hovudopptak haust.

Oppbygging og progresjon

Masterstudiet vil normalt vere eit firesemesters fulltidsstudium som byggjer på ei fagleg fordjuping i spansk språk og latinamerikastudium på 90 stp. frå bachelorstudiet. Masterstudiet femner om ein kursdel (SPLA301-304) på til saman 60 studiepoeng og ei masteroppgåve (SPLA350), som og er på 60 studiepoeng.

Hovudopptaket til studiet er i haustsemesteret, men det kan vere mogeleg å søkje opptak til vårsemesteret.

Eit masterprogram i spansk språk og latinamerikastudium kan sjå slik ut:

1. semester (haust):

SPLA301 - Spansk lingvistikk, 15 sp, obligatorisk *

SPLA304 - Førebuing til masteroppgåva, 15 sp, obligatorisk

2. semester:

SPLA302 - Latinamerikansk litteratur, 15 sp, obligatorisk *

SPLA303 - Latinamerikansk historie,15 sp, obligatorisk *

3. og 4. semester:

SPLA350 - Masteroppgåve, 60 sp, obligatorisk

* Seksjonen kan etter søknad godkjenna at eitt av emna SPAL301, SPLA302 eller SPLA303 blir bytta ut med eit anna relevant emne på 300-nivå.

Alle som har studieplass på masterstudiet, har rett til individuell rettleiing. Student og seksjon skal teikna ein innbyrdes forpliktande rettleiingskontrakt i første eller andre semester, avhengig av kva semester studenten følgjer emnet SPLA304. Tema for masteroppgåva skal godkjennast av rettleiar.

E-post: studieveileder@roman.uib.no

Tlf.: 55 58 84 38/ 55 58 23 33