Emnet vert tilbydd om våren, men ikkje regelmessig.

Emnet vert ikkje tilbydd vårsemesteret 2022.

Emnet tek sikte på å gi studentane fordjuping i aktuelle arkeologiske tema og periodar frå utviklinga av menneske fram til 500 f.Kr.

Når ressursane tillét det, tilbyr instituttet undervisning i eitt eller fleire tema. Fordjupingstema kan skifta, avhengig av undervisningskreftene som er tilgjengelege, og aktuell forsking. Studentane skal fordjupe seg i enkelte periodar eller tema knytt til arkeologiske problem på ein vitskapleg måte.

For omtale av temaet som vert tilbydd inneverande semester, sjå her: https://www.uib.no/fag/arkeologi/103244/temaomtale-ark113ARK113

Studenten skal ved fullført emne ha følgjande læringsutbyte definert i kunnskapar, ferdigheitar og generell kompetanse:

Kunnskapar

Studenten:

• har kunnskap om sentrale tema, teoriar, problemstillingar, prosessar, verktøy og metodar innanfor perioden frem til 500 f.Kr.
• kjenner til forskings- og utviklingsarbeid innanfor fagområdet
• kan oppdatere kunnskapen sin innanfor fagområdet
• kjenner til fagområdet si historie, tradisjonar, eigenart og plass i samfunnet
• har god kunnskap innan og innsikt i det valde fordjupingstemaet.

Ferdigheiter

Studenten:

• kan nytte fagleg kunnskap på praktiske og teoretiske problemstillingar og gjere greie for vala sine
• kan reflektere over eiga fagleg utøving og justere denne under rettleiing
• kan finne, vurdere og vise til informasjon og fagstoff og knytte dette til ei problemstilling
• kan nytte faglege verktøy, teknikkar og uttrykksformer som er relevante for forskinga i perioden frem til 500 f.Kr.
• kan problematisere og nytte relevant fagterminologi og drøfte arkeologiske framstillingar innan temaet.
• Kan vurdere og analysere litteratur og arkeologiske funn, og gjere sjølvstendige vurderingar.

Generell kompetanse

Studenten:

• har kunnskap om relevante fag- og yrkesetiske problemstillingar
• kan planlegge og gjennomføre arbeidsoppgåver og prosjekt aleine og som deltakar i gruppe i tråd med etiske krav og retningsliner
• kan presentere sentralt fagstoff som teoriar, problemstillingar og løysningar både skriftleg, munnleg og gjennom andre relevante uttrykksformar.
• kan utveksle synspunkt med andre med bakgrunn innenfor fagområdet, og delta i diskusjonar om utvikling av god praksis
• kjenner til nytenking og innovasjonsprosessar innanfor fordjupingstemaet
• kan setje seg inn i ein omfattande faglitteratur og formidle kunnskap og synspunkt derifrå, og kan gjere eigne vurderingar i skriftlege arbeid.

Instituttet utarbeider pensumliste. Pensum er omlag 1200 sider.

Litteraturlista vil vere klar innan 1.januar for vårsemesteret.