Vår

Emnet holdes siste gang våren 2023

Målet med kurset er å få studentane tidleg i gong med arbeidet med masteroppgåva gjennom å gi praktisk og handverksmessig kunnskap om korleis ein gjennomfører eit masteroppgåveprosjekt fram til eit tilnærma fyrsteutkast. Studentane vel prosjekt som er knytt til rettleiar frå ein katalog av tilgjengelege prosjekt. Ein kan ikkje garantere at alle får førstevalet sitt, men ein har som mål å få til dette. Forskingsgruppene i informasjonsvitskap har større forskingsprosjekt som ofte tilbyr fleire masteroppgåveprosjekt. Forskingsgruppene i informasjonsvitskap har større forskingsprosjekt som ofte tilbyr fleire masteroppgåveprosjekt. Ved å velje oppgåvetema frå slike større prosjekt vil studenten få muligheit til å arbeide med eit sjølvstendig forskingsprosjekt, men i samspel med forskarar i staben og medstudentar.

Gjennom utarbeiding av ei omfattande prosjektskisse (ca. 8000 ord) skal dei få auka innsikt i akademisk skriving, litteratursøking og forskingsdesign meir allment, med særskild vekt på val av relevant teori og metode og ei fornuftig avgrensing av prosjektet. Prosjektskissa dannar grunnlaget for masteroppgåva og store delar vil kunne inngå i den endelege masteroppgåva.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Kandidaten

• kjenner krava til ei prosjektskisse for eit masterarbeid i informasjonsvitskap, så vel som dei vitskaplege krava til og arbeidsomfanget til ei masteroppgåve
• har oversyn over breidda av metodiske tilnærmingar i faget
• har grunnleggjande kjennskap til relevant forsking/teori innan sitt valde fagfelt og metodane som er tenkt nytta

Ferdigheitar

Kandidaten

• kan drøfte moglege etiske problemstillingar og relatert lovverk/søknadsprosedyrar
• kan formulere klare problemstillingar, trekkje inn relevant forsking på det aktuelle feltet og utforme metodisk veleigna forskingsopplegg for si masteroppgåve
• kan utforme ei skisse til prosjekt som kan danne eit godt utgangspunkt for det vidare arbeidet med masteroppgåva, og gjennomføre eit sjølvstendig forskingsprosjekt på masternivå i informasjonsvitskap
• kan gje fagfellevurdering av prosjektskissar på masternivå i informasjonsvitskap

Generell kompetanse

Kandidaten

• kan nytte tenestene og litteratursøkemogligheitene via UB
• kan vurdere andre sitt forskingsopplegg kritisk og gje konstruktive tilbakemeldingar på desse
• har oversyn over dei sentrale forskingsmiljøa innan informasjonsvitskap

Førelesning og seminar. Individuell og plenumsbasert rettleiing.

Ca. 2-4 timar undervisning per veke i ca. 12-14 veker

• Kortare prosjektskisse: Etter tre veker skal studentane levere eit kortare framlegg til prosjekttema på ei side. Denne skal vere basert på eit prosjekt frå prosjektkatalogen.
• Litteratur og motivasjon: Etter seks veker skal studenten levere ei kort litteraturoversikt med samandrag av 5-10 publikasjonar for som er viktige for oppgåva. Teksten skal munne ut i ein grundig motivasjon og forskingsspørsmål for masterprosjektet.
• Førsteutkast: Etter åtte veker skal studentane levere eit fyrsteutkast på 2000 ord som skal vere godkjend av ein rettleiar. Dette skal inkludere også ein førebels plan for masteroppgåva.
• Metode: Etter 10 veker skal det vere utvikla ei skildring av den vitskaplege metoden som skal brukast i prosjektet. Den skal vere tilpassa forskingstema og -spørsmål og skal integrerast i prosjektskildringa.
• Obligatorisk oppmøte

Obligatoriske arbeidskrav er gyldige i eitt semester utover undervisningssemesteret.

studieveileder@ifi.uib.no

Tlf 55 58 91 00 / 55 59 41 17