Emner: MAN350 Utplassering og masteroppgave - Vår 2023
Studiepoeng
60.0Studiepoeng, omfang
60 studiepoeng
Studienivå (studiesyklus)
Master
Undervisningsspråk
Norsk
Undervisningssemester
Haust, vår
Undervisningsstad
Media City Bergen
Mål og innhald
Målet med emnet er å gjere studenten i stand til å utvikle manus på profesjonelt nivå. Det skjer dels gjennom utplassering i yrkesrelevant arbeidsmiljø, der målet er at studenten skal få verdifull røynsle med serieproduksjon gjennom førstehands observasjon, samt få høve til å knyte kontaktar i bransjen. Å observere profesjonelle tv-forfattarar i aksjon kan vere den mest effektive måten å tileigne seg relevant kompetanse på.
Dels skjer det gjennom arbeidet med den avsluttande masteroppgåva, som nettopp skal vere eit sjølvstendig manusarbeid på bransjenivå som studenten skriv under rettleiing.
Emnet har to komponentar:
- Utplassering, lagt til haustsemesteret. Studenten skal utplasserast i ei bedrift som arbeider med eit seriekonsept (fiksjon eller dokumentar). Bedrifta kan vere lokalisert utanfor Bergen og Noreg.
- Masteroppgåve
Det er også gjesteførelesingar som gir studentane verdifull bransjekunnskap om kontraktar og rettigheiter.
Læringsutbyte
Studenten skal ved avslutta emne ha følgjande læringsutbyte:
Kunnskap:
Studenten
- har tileigna seg spesialisert kunnskap om, og ferdigheiter innan, serieutvikling gjennom observasjon under utplassering i relevant mediebedrift som arbeider med serieproduksjon
- har spisskompetanse innan manusutvikling. I arbeidet med å utforme masterprosjektet skal studenten aktivisere den praktiske og teoretiske kunnskapen han/ho har tileigna seg så langt i studieløpet
- Har kunnskap om relevante bransjeforhold rundt kontraktar og rettar.
Ferdigheiter:
Studenten
- skal kunne skrive ein dokumentarserie eller fiksjonsserie på profesjonelt nivå
- skal kunne reflektere kritisk og analytisk kring eigen praksis
- skal kunne pitche prosjekt på profesjonelt nivå for bransjen
Generell kompetanse:
Studenten
- kan nytte sine kunnskapar og ferdigheiter innan manusutvikling på nye tema og plattformer for å gjennomføre avanserte arbeidsoppgåver og prosjekt, og sjå manusutvikling i samanheng med andre fagområde og forhold innan tv-produksjon
- kan analysere relevante fag-, yrkes- og forskingsetiske problemstillingar knytte til manusutvikling
- kan formidle omfattande sjølvstendig arbeid, og meistrar uttrykksformene på fagområdet
- kan kommunisere om faglege problemstillingar, analysar og konklusjonar innan manusutvikling, både med spesialistar og til ålmenta
- kan bidra til nytenking om manusutvikling
- kan reflektere kritisk over eigen praksis med utgangspunkt i akademiske perspektiv og tenkemåtar
Krav til forkunnskapar
MAN301 og MAN302
Studiepoengsreduksjon
Ingen
Krav til studierett
Masterprogram i manusutvikling for seriar
Arbeids- og undervisningsformer
Obligatorisk undervisningsaktivitet
- Deltaking på utplassering
- Rapport frå utplassering
Dei obligatoriske arbeidskrava må vere godkjende før studenten kan levera inn masteroppgåva
Vurderingsformer
Masteroppgåve med følgjande innhald:
- Ferdig manus til dei to første episodane i ein TV-serie (typisk tekstomfang 50-120 sider avhengig av format)
- Forside med informasjon om sjanger, lengde, format og tagline
- Pitch på maksimalt 1 side
- Outline til heile serien som inneheld dei viktigaste linjene (omfang i tråd med til ei kvar tid gjeldande bransjestandard)
- Karakterskisser
- Kortfatta tekst frå manusforfattar om serien. Her kan element som tematikk, stil, tone og bakgrunn for serien bli løfta fram
Innleveringa skal framstå som ei komplett prosjektskisse som presenterer serien på best mogleg måte. Studenten står fritt til å leggje til avsnitt eller dokument som kan bidra til å presentere eller belyse prosjektet tydelegare. Dette vil bli diskutert i samråd med rettleiar.
Det oppmodast til også å inkorporere visuelt materiale i form av referansebilete eller moodboards som kan vise både stil, tone e.l. til serien.
Det skal også leverast ein refleksjonsrapport på 5000 ord (pluss/minus 10%). Det vert gjort ei heilskapleg vurdering av refleksjonsrapporten og manuskomponenten i oppgåva. Ved karaktersetjing vert manusarbeidet tillagt mest vekt.
Masteroppgåva kan vere gruppebasert. Omfanget av masteroppgåva vil då vurderast i samråd med faglærar.
Karakterskala
Karakterskala A-F
Vurderingssemester
Haust, vår
Litteraturliste
-
Emneevaluering
Alle emne blir evaluert i tråd med UiBs kvalitetssystem for utdanning.
Programansvarleg
Programstyret ved Institutt for informasjons- og medievitskap
Administrativt ansvarleg
Det samfunnsvitskaplege fakultet ved Institutt for informasjons- og medievitskap har det administrative ansvaret for emnet.
Kontaktinformasjon
studieveileder.praktiskinfomedia@uib.no