Geof.inst. - instituttrapport 2006 vår
Instituttsledelsens vurderinger
Praktisk gjennomføring
Det praktiske kring gjennomføringa av undervisninga våren 2005 blei gjennomført utan større problem.
Emner undervist ved Geofysisk institutt våren 2006:
GEOF 110 Innføring i atmosfærens og havets dynamikk
GEOF 120 Meteorologi
GEOF 121 Anvendt mikro- og lokalmeteorologi
GEOF 130 Fysisk oseanografi
GEOF 210 Dataanalyse i geofysikk
GEOF 211 Numerisk modellering
GEOF 212 Klimatologi - klimaendringer
GEOF 220 Fysisk meteorologi
GEOF 231 Operasjonell oseanografi
GEOF 301 Introduksjonskurs til mastergrad
GEOF 322 Feltkurs i meteorologi
GEOF 323 Lokalmeteorologi
GEOF 325 Atmosfærens dynamikk II
GEOF 332 Feltkurs i oseanografi
GEOF 334 Fjernmåling i mikrøbølgeområdet
GEOF 336 Kjemisk oseanografi
GEOF 344 Strålingsprosesser i meteorologi og klimatologi
Strykprosent og frafall
Totalt var det 195 eksamensmeldingar ved Geofysisk institutt våren 2006. Desse fordeler seg til 83 til emne med kode GEOF 1XY, 56 til emne med kode GEOF 2XY og 56 til emne med kode GEOF 3XY. 158 møtte til eksamen og 155 bestod eksamen. I tillegg blei det arrangert 4 eksamenar i spesialpensum (bachelor, master og PhD-nivå).
Totalt var det 12 studentar som tok hovudfags- og mastergradseksamen våren 2006 ved Geofysisk institutt;
Kandidatane fordelte seg slik innan dei ulike fagretningane:
Meteorologi: 4
Kjemisk oseanografi: 0
Fysisk oseanografi: 6
Klima: 2
Karakterfordeling
Har ikke tilgang til datamaterialet her
Ressurstilgang
Tilfredstillande
Kommentar til studentevalueringene
Studentevalueringane viser at studentane i all hovedsak er fornøgde.
Dei største avvika frå denne oppfatninga er i kurset GEOF 120 (Meteorologi). Gjennomgangskommentarar her går på for snar og overflatisk gjennomgang av pensum og utilfredstillande oppfølging av spørsmål. Vi er ganske sikre på at dette skuldast bruk av urøynd vikar. Vi såg oss nøydde til å leiga undervisningsvikar til dette kurset ettersom vi har hatt stor avgang på fast tilsette i meteorologi dei siste åra. Denne vikaren var urøynd og sjølv om vi førebudde han godt, og han sjølv også la stor innsats i kurset, viser det seg at han treng meir erfaring for å gjera ein tilfredstillande jobb her. Bemanningssituasjonen har no betra seg noko og v07 set vi ein fast tilsett på dette kurset.
Det er også verdt å nevna at GEOF 110 som har fått dårlege evalueringar, no får tilfredtillande kommentarar. Vi noterer dermed at tiltaka som har vorte gjort for å koma kommentarane i møte har virka noko.
Studieinformasjon og dokumentasjon
Tilfredstillande
Tilgang til relevant litteratur
Tilfredstillande
Instituttsledelsens samlede vurderinger,
inkl. forslag til forbedringer
Sett frå GFI si side er det utfordringar med å dekke behovet for lærekrefter i meteorologi som har prega våre utfordringar mest. Ettersom vi no arbeider med fleire tilsetjingar her ser det ut som om desse problema fell bort etterkvart.
Bachelorprogram i meteorologi og oseanografi: Basert på tilbakemeldingane vi fekk og dei avlagde eksamensresultata, kan vi seie at undervisninga V06 har fungert tilfredstillande bortsett frå nokre mindre tilhøve ved GEOF 120. Kommentarar frå programsensor viser også at karaktergjevinga her er rimeleg. Vi har vanlegvis nytta ekstern sensor ved GEOF 110 (intern sensurering ved resten) og ser difor ingen grunn til å endra på dette.
Bortsett frå mindre justeringar, ser det no ut som om dei aller fleste emna har innhald og form som kan brukast i dei komande semestera. Dei emna som bør sjåast nærare på i høve til programsensor er først og fremst GEOF 110, og kanskje også 130. Det er pensumlitteraturen som skapar dei fleste problema her. Vi har fått tilsendt forslag til nytt pensum frå programsensor og vurderer no dette for å forbetra kurset til v07.
Med labkursa har vi hatt store utfordringar i å erstatte gamalt og utrangert utstyr. Ekstratildeling frå MN har hjelpt på denne situasjonen men vesentlege oppgraderingar gjenstår enno. Dette gjeld lab-undervisning i oseanografi og feltundervisning i meteorologi. Ekstratildelinga for 2006 på kl 500.000,- vert nytta til å delfinansiera ein ny thetersonde som totalt kostar rundt 800.000,-. Eit anna tiltak for å betra feltundervisninga i meteorologi er å innleia samarbeid med NAROM på Andøya. Sjølv om vi har fått avslag på søknad om finansiell støtte til dette (kr 50.000), vil vi prøva å gjennomføra eit prøvesemester V2007 med feltkurs på Andøya. Vi vil nytta hausten til å fortsatt søkja om finansiering til dette, men om vi ikkje lukkast kan vi finansiera prøveforsøket over annuum. Vi vil også nøydde til å søkja finansiering til oppgradering av det øvrige undervisningsutstyret.
Ei anna utfordring vi har sett ser gjeld geofysikktilbodet til bachelorstudentane i 5. semester (h). Når dei kjem til dette semesteret har dei fleste studentane gjort unna dei nødvendige geofysikk, matematikk og fysikkemna for å få BSc-graden. Dei har difor stor valfridom i 5. og 6. semester og ønskjer ofte å ta eit ekstrakurs eller to i geofysikk. Vi har f.o.m H06 flytta eit relevant kurs (GEOF 212) frå vår til haust og registrerer stor påmelding til dette kurset. Vi kjem til å vurdera å flytta andre kurs også.
Sensorordninga med 2 interne sensorar for mastereksamen har vist seg å vere arbeidskrevande. Det har innført ei rullerande ordning for den eine interne sensoren. Dette har betra situasjonen.
Elles er det verdt å nevna at samarbeidet med programsensorane, så langt har vore ei positiv erfaring. Hittil ar det vore bachelor-tilbodet som har fått mest fokus. Neste ledd i dette arbeidet er oppgåvedelen av masterutdanninga. Det er ulike sider ved oppgåvene og sensureringa av masteroppgåvene vi først ønskjer å få evaluert.