HIS250 - emnerapport 2007 vår
Faglærers vurdering av gjennomføring
Praktisk gjennomføring
Kurset bestod av 10 forelesingar (dobbelttimar), samt éi byvandring i
Bergens gamle straffanstaltar på eit par timar. Siste forelesing vart gitt
allereie 28. mars, noko som dessverre medførte at temaet ikkje vart
evaluert. I tillegg til forelesingar blei det også gitt rettleiing på sjølve
bacheloroppgåva. Faglærar hadde først individuelle møte med samtlege
250-studentar (ti, som blei ni) ved semesterstart for diskusjon av
oppgåvetema og litteratur. Eg var også tilgjengeleg på epost gjennom heile
semesteret. Studentane hadde tre innleveringar i Kark. Første innlevering
var ein disposisjon og vurdering av relevant litteratur, andre innlevering
eit første utkast til heile oppgåva, før endeleg eksamensinnlevering. I
etterkant av andre innlevering hadde kvar enkelt student individuell rettleiing.
Strykprosent og frafall
se FS rapport
Karakterfordeling
Se FS rapport
Studieinformasjon og dokumentasjon
Informasjon blei gitt gjennom orienteringsmøter, informasjonshefte og elles
gjennom semesteret på MiSide og i Kark. Før innlevering var det litt
usikkerheit blant studentane om korleis dei skulle forholde seg til
pensumlista, kva litteratur som kunne vere på den (dvs. kva som var
forskjell på litteraturlista i oppgåva og pensumlista) og ikkje minst kor
den skulle leverast inn. Dette ordna seg, og elles synes informasjonen å ha
vore ok.
Tilgang til relevant litteratur
Det var noko problem med kompendiet i starten av semesteret. Dette var ikkje
klart då forelesingane starta, men var på plass vel ei veke etter
undervisningsstart. 250-studentane kan skifta ut heile eller deler av pensum
etter kva oppgåvetema dei vel. Kompendiet var berre relevant for enkelte av
studentane, slik at dette var eit mindre problem på 250. 250-studentane er
meir avhengige av bibliotek-lån, og dette synes stort sett å ha gått bra.
Enkelte studentar la opp den same litteraturen, og det virkar som dei
samarbeidde godt om det og delte den med kvarandre. Noko litteratur var meir
spesialisert og ikkje tilgjengeleg ved UBB, og måtte utgå.
Faglærers vurdering av rammevilkårene
Lokaler og undervisningsutstyr
-Lokaler og undervisningsutstyr
Undervisninga føregjekk i Aud. R på Sydneshaugen skule. Auditoriet er godt
utstyrt med AV-utstyr, og dette fungerte fint heile semesteret. Auditoriet
var også passe stort og fungerte godt.
Andre forhold
Faglærers kommentar til student-evalueringen(e)
Metode - gjennomføring
Evalueringa blei gjennomført så seint i semesteret at det dessverre blei for
seint for mitt emne. Eg hadde siste forelesing 28. mars, noko tidlegare enn
dei fleste andre, og dermed blei dette emnet/temaet ståande utanfor evalueringa.
Oppsummering av innspill
Ev. underveistiltak
Faglærers samlede vurdering,
inkl. forslag til forbedringstiltak
Faglærers samlede vurdering, inkl. forslag til forbedringstiltak
Utan studentevaluering er det vanskeleg å vurdere emnet og ikkje minst å
foreslå forbetringstiltak. Men inntrykket er at emnet har fungert.
Rettleiinga på Kark har fungert godt, og i tillegg har eg hatt ein del
kontakt med studentane på andre måtar, særleg epost. Inntrykket er at
studentane har kome tidlegare i gang med bacheloroppgåva si dette semesteret
enn tidlegare, og dermed levert meir fyldige disposisjonar i første
innlevering og likeins langt meir modne og fyldige førsteutkast i andre
innleveringa.